|
میا ناله وه گوش موئه :غریوم!
هواری واش موئم چی توغریوم
میا لیوه وه تم سیلی خدافظ
گری شادبیم که میها واش بشینم
دین کوگی پیچسه دو دل کوه
سی کی موهونه چی موئه نئونم
سگ هاری نه یه گرگیه قوووقو
نمینم کس وه تش کسین نمینم
زمسونه وبرف پوشنه مالگه ان
اشکارینه ری وه هونمو مئینم
نشسه وه پا ای تش تک تنیا
اسمو اوریه آساره بینم......
کیچه تاریک غریو شولیزی نارم
گریوه گرگ کو میا وه حالم
شرو تلی وه مه دیه ای ساقی
نوئنس توای تلینه نارم
دسی مورم بشینم پا خروئه
میزنم ده زمی طاقته نارم
ری ایلا کس نی اولا سوت وکوره
یا مه مسم یا کس نی وا دیارم
یه پا پا دوئمی پایام نمیرن
یهو دسی میا وا ره گوارم
میخنم شاد موئم نه نه خدایا
آخر اوما ده دیر آساره یارم
دسی مورم بئیرم دس نازش
یهو دینی موئه وامه برارم
وری روکم بوهورشروتله
کجا مه شیوه آسارته دارم
گریوه نه که خین دل میواره
موئم تاریکه و شولیزی نارم
ادامه مطلب |
